Como mostra de que as actividades rítmicas de expresión están ao alcance de todas as persoas, con independenza do seu nivel de de destreza e condición Física, e de son un xeito extraordinario de pasalo ben, de forma saudable, aquí os deixamos o video O Xograr Móvese Máis no que particparon alumnos, profesores e persoal da administración e servizos do centro.
Mes: Xuño 2013
Móvete nos leceres do Xograr
Rematado o curso e as distintas actividades do Proxecto “Móvete nos Leceres do Xograr” e a espera de subir o Blog o video final “O Xograr Móvese Mais”, aquí os deixamos unhas fotos e un video que ilustran diversos momentos do programa.
Acrosport e bailes de salón nos leceres do Xograr
Os leceres do Xograr continúan dando moito de sí. Se o mes de maio adicouse ao acrosport, en xuño estase a levar a cabo un Obradoiro de Bailes de Salón, no que están a participar numerosos alumnos. O pasado xoves o obradoiro contou coa colaboración de catro alumnos do centro, os cales, nun primeiro momento deixaron patente a súa maestría e posteriormente achegaron a súa afición a outros alumnos.
Aquí deixamos un video para os que non podestes acudir.
Enquisa: Plan de consumo de froitas nas escolas
Como sabedes, no curso 2012/13 nos incorporamos ao Plan de consumo de froitas nas escolas que, subvencionado con fondos europeos, pretende incidir nos bos hábitos alimentarios do alumnado de ESO.
A través da seguinte enquisa, queremos coñecer a túa opinión sobre esta iniciativa.
Resposta as preguntas propostas. Algunhas son para valorar de 1 a 5 , sendo 1 o mínimo e 5 o máximo. Outras son para respostar sen máis.
Enquisa
Grazas pola túa colaboración.
Que se acaban!
Nesta primeira semana de xuño, ao saír ao recreo, ímonos preguntando: que froita tocará hoxe?
Puidemos gozar de melón, mazá, pexego fresas e cereixas. Todas moi apetecibles para repor forzas en épocas de exames finais. Pero tiñamos que darnos présa porque enseguida acabábanse!!!
Agora que remata o Plan de consumo de froita nas escolas, queremos agradecer a todos a colaboración: lavando e preparando as froitas, facendo fotografías, carteis, mantendo limpo o centro…
proxectaxograr 