ATA AQUÍ DANZAS DO MUNDO E … AGORA QUÉ?

O martes 29 de abril foi o último día que adicamos o recreo para ensaiar danzas do mundo. Como colofón contamos coa colaboración final de cinco profesoras do instituto; Rosa Porto e Marcela Ríos (Francés), Sandra Minchinell (Inglés), Beatriz Ovalle (Matemáticas) e Eva María Pardeiro (Bioloxía) que ensinaron e bailaron A Danza de Bruselas. Esta foi a última danza das bailadas nos recreos e nas clases.
Durante varias semanas percorrimos diferentes países e continentes, disfrutamos das súa música e tradicións e agora estamos dispostos a seguir viaxando e aprendendo sen perder o ritmo.
Aquí van os vídeos dalgunha desas danzas; A Danza da Cruz (Polonia), Simama Kaa (Tanzania), e A Danza de Bruselas.

Grazas a todos e todas por participar e en especial, grazas as profesoras citadas anteriormente por unirse a nós e aportar cousas novas.

Advertisement

TANGO E TECNO NO FESTIVAL DO DÍA DO LIBRO

Alumnado do noso IES preparou e ofreceu un espectáculo moi variado para conmemorar o día do libro (23 de abril). Entre as actuacións houbo un recital de poesía, cancións, un rap, unha dramatización ao son de Carmina Burana, proxeccións de traballos audiovisuais e bailes.

Alumnos/as de bacharelato atrevéronse a bailar un tango, a canción “Poema”, de Francisco Canero. Noraboa a Candela Rodríguez, Tania Rodríguez, Sabela Celeiro, Vanesa González, Lucía Valcárcel, Melina Iglesias, Milagros Izquierdo e Martín Pérez, así como a David Liz, Vítor Cela e Estefanía Expósito (que finalmente non poideron actuar pero que ensaiaron coma os demáis).

A parte marchosa da actuación e asemade o colofón final do festival foi a coreografía para a versión Tecno de “¿Qué es la vida?” de Calderón de la Barca (do grupo Martillo Vago). Foi imposible non bailar ao son de Yamalí de los Santos, Noelia López, Ruth Darisa Jiménez, Dara Jiménez, Nerea Cabanas, Ixchel Domínguez, Uxía Rodríguez, Denisse Martínez, Altagracia Peña, Anloiry Pérez y Yustin Rodríguez.
Pois amigos a vida, entre outras cousas, é disfrutar coa lectura e co baile.

Grazas por este fermoso espectáculo!!.

A continuación poñemos os vídeos destas dúas actuacións: