Coma o frío non nos frea, cada día, a pesar de ser finais de novembro, seguimos a ver bicicletas nos soportes. E, como non podía ser doutro xeito, diferentes casas comerciais e/ou empresas, seguen colaborando coa nosa campaña “En bici ao Xograr. Anímate a pedalear!”.
Este ano a primeira é Husqvarna, unha potente empresa de maquinaria forestal profesional e de accesorios para o coidado do xardín. Esta marca ten en Sarria unha distribuidora oficial (Agrolugo) e apoiaron a iniciativa de mobilidade sostible agasallando ao alumnado con mochilas e botellíns. Todos/as os profesores/as ou alumnos/as que enviaron percorridos, viñeron en bicicleta ao instituto ou colaboraron nesta iniciativa tiveron o seu material. Moitas grazas Husqvarna!!
Aquí deixamos algunhas fotos das entregas.
proxectaxograr 