INICIAMOS O CURSO E CONTINUAMOS CO PLAN DE MOBILIDADE SOSTIBLE E SEGURA

Comezamos o curso escolar 2021-22 con moita ilusión e con novas propostas para manter e mellorar a nosa saúde e coidar do Medio Ambiente.

Neste curso daremos continuidade á campaña “En bici ao Xograr. Anímate a pedalear!” e combinaremos as propostas de desprazamentos activos ao centro con outras actividades sostibles.

A mellor forma de empezar é conmemorar a Semana Europea da Mobilidade sostible. Deste xeito, tódolos alumnos/as, profesores/as e persoal de servizos do centro que veñan nesta semana en bicicleta ao instituto recibirán un agasalllo.

Coidemos da nosa saúde e da saúde do Medio Ambiente!

semana-europea-movilidad-2021

COMEZAN AS VACACIÓNS!

Hoxe remata un curso moi intenso e, tamén hai que dicilo, complexo polas dificultades xurdidas pola pandemia. Tamén hai que dicir que a bici axudounos a superalas.

Agora soamente queda desexarvos unhas boas vacacións, animarvos a usar a bicicleta durante o verán e darvos un consello, collades o camiño que collades non esquezades o casco. Ata o ano!

Para rematar aqui deixamos o enlace para que escoitedes o último programa de radio escolar deste curso, nel podedes escoitar información do proxecto de Mobilidade Sostible e Segura (información sobre as actividades realizadas polo Día da Bicicleta, entrevistas,…) https://www.ivoox.com/radio-xograr-2020-2021-9-audios-mp3_rf_71987840_1.html no minuto11:40 podedes escoitar á Subdelegada do Goberno en Lugo, María Isabel Rodríguez, falando do proxecto. Tamén entre os minutos 35:05 e 38:30 aos nosos padriños deste mes coas súas mensaxes e a un alumno de 1º da ESO contando a súa experiencia na campaña “En bici ao Xograr. Anímate a pedalear!”. Que disfrutedes. Bo verán!

ÁLVARO ILLOBRE PADRIÑO DE “EN BICI AO XOGRAR. ANÍMATE A PEDALEAR!”

O deportista paralímpico Álvaro Illobre é o noso derradeiro padriño deste ano. Álvaro, natural de Ares, participou en dúas Paraolimpiadas, nas de Sidney de 2000 e nas de Pekín de 2008 na modalidade de tenis.

Álvaro é un excepcional deportista, de cativo competiu en baloncesto en cadeira de rodas, logo destacou no tenis adaptado e na actualidade tamén participa en Triatlón.

Persoa xenerosa e comprometida, Álvaro xa colaborou con nós noutras actividades e non deixou pasar esta oportunidade para enviarnos a súa mensaxe. Grazas por todo!

Aquí tedes a súa mensaxe: https://es-es.facebook.com/iesxograr/videos/536760707357563/

A TVG INTERÉSASE POLA CAMPAÑA “EN BICI AO XOGRAR. ANÍMATE A PEDALEAR!”

Reporteiros da Televisión de Galicia viñeron ao centro e fixeron unha conexión en directo. Entrevistaron a varios alumnos e alumnas e tamén a varios profesores.

Podedes ver aos nosos ciclistas na introducción do programa e a partir do minuto 19.
‘Cambiar o mundo comeza cun só golpe de pedal’

Aquí tedes o enlace para velo: http://www.crtvg.es/tvg/a-carta/a-revista-5172878?t=74

A EXPERIENCIA DE MOBILIDADE SOSTIBLE DO IES XOGRAR NA RADIO GALEGA

O programa da Radio Galega “Galicia por Diante” organizou unha tertulia arredor da bicicleta e do cambio modal de mobilidade que está a acontecer en Galicia. Unha voz desde A Coruña, outra desde Vigo e outra desde Sarria. Unha representante de Vigo Ciclable, un representante da tenda de bicis máis grande de A Coruña e unha representante do noso centro. Tres visións de tres ámbitos ben distintos e entre eles a Campaña En bici ao Xograr. Anímate a pedalear!.

Podedes escoitar o programa desde o minuto 40.

CONMEMORANDO O DÍA MUNDIAL DO MEDIO AMBIENTE

Coma non pode ser doutro modo, a campaña “En bici ao Xograr. Anímate a pedalear!” quere lembrar neste día o poder da bicicleta para coidar o Medio Ambiente. Este medio de transporte que tanto nos gusta non é contaminante, é dicir transporte de cero emisións. Non soamente iso, a bici é silenciosa, non xera ruidos e non produce contaminación acústica.

En resumo, usar a bici é sinónimo de dicir cero emisións e polo tanto, cero agresións.

O mellor modo de reflexalo foi a creación do lema NO OIL coas nosas bicis.

Outro modo de conmemorar este día foi reflexionar sobre o sentido dos lemas dos aparcabicicletas:

“Cambiar o mundo comeza cun só golpe de pedal”

“Conduce a túa vida,

por unha senda segura,

pedalea con soltura

e desfruta da aventura”

O alumnado de 3º da ESO, coa profesora Ana Belén Durán realizou traballos para apoiar a nosa campaña… Grazas a tod@s!

Tamén deixamos aqui o enlace do programa de Radio escolar para que escoitedes a información do proxecto de Mobilidade Sostible e Segura. Temos os audios das madriñas do mes máis unha entrevista a un dos alumnos participantes. Este enlace corresponde ao programa do mes de maio https://www.ivoox.com/radio-xograr-2020-2021-8-audios-mp3_rf_70984054_1.html

CONMEMORANDO AO GRANDE O DÍA INTERNACIONAL DA BICICLETA

No IES Xograr Afonso realizamos unha serie de actividades diferentes para conmemorar un día tan especial. Nun acto ao que acudiron numerosos persoeiros (estiveron representados o Concello, a Xunta, a Deputación, a Subdelegación do Goberno, a Federación Galega de Triatlón, o Servizo Provincial de Deportes, a Xefatura provincial de Tráfico, etc) fíxose pública a adhesión do Concello de Sarria e do noso IES ao programa Europeo Stars de Mobilidade sostible. Somos o primeiro centro educativo da provincia e o primeiro concello que o fai.

Nese acto houbo agasallos para o alumnado e os membros da comunidade educativa que participaron máis activamente no programa, sorteos de agasallos doados por entidades colaboradoras, inaugurouse unha exposición tanto física coma fotográfica, sobre o mundo da bici e presentouse o padriño do acto.

Na prensa pode verse un resumo dos actos levados a cabo.

https://www.elprogreso.es/articulo/sarria/xograr-es-pionero-unirse-plan-europeo-movilidad-sostenible/202106031329341506616.html

https://galiciaxa.com/2021/06/sxa-es/zonas-sxa-es/sarria-sxa-es/96829/?lang=es

LITUS PADRIÑO DE EXCEPCIÓN NO DÍA INTERNACIONAL DA BICICLETA

Este polifacético artista, cantante, compositor, músico, actor de musical, de teatro, showman televisivo e Voz cantante da banda televisiva de Late Motiv (programa de Andreu Buenafuente) é o noso padriño da Campaña “En bici ao Xograr. Anímate a pedalear!”

Litus entre outros recoñecementos contou con dúas candidaturas aos Premios Goya 2008-2009 (mellor canción e mellor música orixinal), e unha nominación como mellor disco do ano por Radio 4 (2010). Pois este excepcional artista únese ao noso proxecto, dándolle un toque marabilloso co seu tema “Pedalear”, unha fermosísima canción.

Se o noso proxecto se caracteriza por tres eses: Saúde, Seguridade e Sostenibilidade, Litus ven a aportarlle unha cuarta ese, Sensibilidade.Se queredes escoitar o seu tema completo:  https://youtu.be/Gi2CozcvAno

Aquí podedes ver a súa mensaxe https://es-es.facebook.com/iesxograr/videos/1208585716252776/?t=53

Qué máis se pode pedir?
Mil grazas Litus, pedalearemos xuntos!

Por último, aquí deixamos o enlace ao programa de Radio Xograr de maio para que escoitedes a iformación relativa ao noso proxecto de Mobilidade sostible https://www.ivoox.com/radio-xograr-2020-2021-8-audios-mp3_rf_70984054_1.html

EVA CASTRO MADRIÑA DE “EN BICI AO XOGRAR. ANÍMATE A PEDALEAR!”

Hoxe compartimos a mensaxe dunha das mellores bikers da historia do ciclismo nacional, pero non só iso, tamén unha das persoas máis queridas dentro do mundo do DH e do Enduro.

Eva abandonou a competición ao máis alto nivel no 2017, cunha fantástica vitoria en O Marisquiño , foi a mellor forma de retirarse, recibindo unha merecida homenaxe á que se suma o noso centro.

A pegada de Eva Castro no mountain bike nacional non se limita ao seu palmarés, esta campiona sempre compaxinou os podios coa proximidade ao público, o respecto e a amizade cos rivais e o apoio aos novos riders. Esta deportista percorreu o mundo enteiro coa súa bici e segue unida a este mundo profesionalmente traballando para distintas marcas e publicando vídeos de formación.

Seguramente moitos de vós tedes aplaudido as súas baixadas do descenso de Sarria onde ten moita xente que a admira.

Para o deporte español quedan o seu bronce no Campionato de Europa de 4X de 2006 ou o podio na Copa do Mundo de 4X de 2007. A nivel nacional gañou case todo, desde que era unha adolescente non baixou do podio. Foi Campioa do Open de España de Descenso (2011), 10 veces campioa de España de Dual e 4X e en 2013 proclamouse Campioa de España de Enduro.

Para aprender moitas cousas e coñecela mellor podes ver os vídeos “Baja con Eva Castro” ou a fermosa entrevista que lle fai un rider noviño https://youtu.be/4B2xBqNxEH0

Podes vela tamén na última campaña de seguridade Vial para ciclistas da Xunta “Qué é metro e medio?” xunto a Óscar Pereiro ou Ezequiel Mosquera. https://youtu.be/7mZhefjER4M

Aquí tedes a súa mensaxe:

https://es-es.facebook.com/iesxograr/videos/2918447451763930/?t=1

Grazas Eva, pola túa colaboración e por ser o mellor referente para a xente que ama a bici!

PUBLICANDO NOVOS PERCORRIDOS FEITOS POLO ALUMNADO NO SEU TEMPO DE LECER

Esta ponte das Letras Galegas valeu para que algúns alumnos do IES fixeran rutas novas. Publicamos algunhas delas, por exemplo:

Tomás, Urko e Unai (alumnos de 2º de BAC) fixeron unha ruta na zona de O Incio, a ruta do Ferro. Case 70 Km!

Álex , Unai e Santiago (alumnos de 2º da ESO) fixeron unha ruta de 20 Km.

Jesús, Natalia e Artur (alumnos de 2º da ESO) tamén fixeron unha boa ruta pola zona de Lagos.

Elba e Sara tamén fixeron rutas polas súas zona.

Bravo por todo eles!