Reto de Maio “Camiñar e non contaminar”

Por fin podemos saír, eso sí,  os máis pequenos seguindo a regla dos tres 1 (unha hora, 1 km, cun 1 adulto).

Agora propoñemos a nosa alternativa.

1 hora, 1 paseo (en bici ou camiñando) e  1 ruta segura

Xusto antes da pandemia falamos con Félix Seijas o concellal de Seguridade, mobilidade e tráfico para plantexarlle que desde o proxecto Escola Verde queríamos propor o deseño de rutas escolares seguras (a pé e en bicicleta). A idea gustoulle moito, xa sabía cousas deste tema e quedamos en ver as posibilidades. Por mor da pandemia non puidemos volver a falar, retomaremos este tema cando pase o estado de alarma.

Vós podedes aportar ideas facéndonos chegar rutas viables desde ás vosas casas ata as cercanías do instituto.

Aproveitade as vosas saídas para anotar ideas e propostas. No instituto xa contamos con tres aparcabicis  e queremos ter máis.

Lembra, hai moitas cousas que podes facer para aportar o teu gran de area:

– máis saúde e menos contaminación.

– máis músculo e menos ascensor.

– Rodas sí, pero de patíns e monopatín.

– Aprende como ser un bo ciclista (sinalizacións, normas de circulación, etc)

– Fai actividade física en familia.

Pronto voltaremos a vernos, por qué non en bici?

Coidádevos moito! Coidemos do planeta!

 

“NO CONFINAMENTO ADEUS AO ABURRIMENTO” Aforra enerxía na corentena

Nestes días de confinamento o proxecto Escola Verde non para. Aínda que é difícil non ver as nosas amizades e non ter a liberdade de saír da casa, podemos cada un de nós aportar o noso gran de area para que cando saiamos o planteta teña máis saúde que nunca.

Lanzamos agora o reto do mes de abril. “No confinamento adeus ao aburrimento” se trata de buscar alternativas ás redes sociais e as pantallas e asemade aforrar enerxía. Fai deporte na casa, xoga a xogos de mesa, colabora nas labouras da casa e sobre todo… aforra enerxía na corentena.

Aforremos enerxía, con pequenos xestos axudaremos a aforrar económicamente ás nosas familias e coidaremos ao planeta.

Consellos:

– Utiliza un ladrón (peza que se adapta ao enchufe) e usa o botón Star para cortar o consumo.

– Apaga o router pola noite se non vas a necesitar a rede Wifi.

– Sé consciente das horas que estás ante unha pantalla. Fai un uso responsable.

– Colabora nas tarefas do fogar (pon a lavadora soamente cando estea chea e o mesmo co lavalouzas).

– Utiliza a luz natural sempre que poidas.

– Apaga a luz ao saír das habitacións. Lembra a cartelería do instituto.

Escoita cuña publicitaria no programa de radio do día 11 de abril. Podes escoitar os consello de Escola verde no minuto 30 con vinte segundos ata o minuto 31 con quince segundos. Pincha no seguinte enlace. Grazas Radio Xograr!

https://www.ivoox.com/radio-xograr-dende-casa-2-audios-mp3_rf_49914989_1.html

 

Moito ánimo. Coidádevos e coidemos entre tod@s do Planeta.

Agardamos vervos pronto!

FAI A COMPRA LENDO O ETIQUETADO E NON ESQUEZAS LEVAR A TÚA BOLSA AO SUPERMERCADO

O reto de marzo está en marcha….Sabes realmente o que estás a mercar cando escolles un produto no supermercado? En que baseas a túa elección? Consideramos moi importante recalcar a importancia de ler detidamente o etiquetado daquelo que consumimos…prestando atención á súa  composición e calidade dos ingredientes, á súa procedencia, á data de caducidade, ó prezo, etc. Non te deixes enganar pola publicidade, que non escollan por ti! Ti decides que consumes!!

Ademais recorda o aprendido ata agora…non so é fundamental reciclar, tamén é necesario reducir o consumo de produtos contaminantes: se levas a túa bolsa ao supermercado farás unha compra máis sostible, aforrarás cartos e axudarás a evitar a sobreprodución de plásticos…cun pequeno xesto contribúes directamente á mellora da calidade da túa contorna!

Anímate a participar e colabora co Medio Ambiente. Todos estamos no mesmo equipo!

PENSA EN VERDE E XOGRARÍZATE

 

 

ALMORZOS SAUDABLES, SEN ALUMINIO E EN ENVASES REUTILIZABLES!

Aquí tedes o reto para o mes de febreiro, “Almorzos saudables, sen alumnio e en envases reutilizables”

No noso día a día non adoitamos ser conscientes da gran cantidade de residuos que xeramos en actividades tan cotiás como comer un bocadillo ou beber un grolo de auga. Este tipo de actividades diarias implican o uso de gran cantidade de envases e produtos «de usar e tirar». Claros exemplos son o papel de aluminio que envolve as nosas merendas e as botellas de auga que tomamos a media mañá.

Dende o IES Xograr Afonso Gómez propoñemos como reto para febreiro facernos con envases reutilizables para traer cada día o almorzo ao instituto. Poden ser envases propiamente destinados a este fin ou calquera outro reutilizado. Deste xeito, contribuímos ao aforro de recursos e á protección do medio ambiente.

 

 

O RETO DE XANEIRO VAI POLO BO CAMIÑO!

No marco do Plan Proxecta Escola Verde, o IES Xograr Afonso Gómez propuxo como reto para o mes de xaneiro a elaboración de colectores de reciclaxe para as aulas. Deste xeito, preténdese contribuír á boa xestión dos residuos dende todos os recunchos do centro.

Aínda que o reto foi proposto á volta de vacacións, o alumnado de 1º ESO A púxose mans á obra e de contado creou os seus propios colectores. Agardando poder presentarvos todos os demais, aquí vos deixamos unha mostra do gran traballo que realizou este grupo.

 

No programa de radio desta semana publicítase o reto:

https://www.ivoox.com/radio-31-01-20-audios-mp3_rf_47282940…

podesdes escotalo no minuto 16:50 segundos.

30 DE XANEIRO DÍA DA PAZ E A NON VIOLENCIA

“Non hai camiño para a paz: a paz é o camiño”.

– Mahatma Ghandi –

 

 

O Día da Paz é una data conmemorativa sinalada nos centros educativos, desde o proxecto Escola Verde queremos reivindicar a importancia deste día facendo una reflexión sobre as numerosas agresións que sufre o noso planeta, sobre a importancia de preservar o medio ambiente e facernos todos e todas responsables do seu coidado.

Existe un Día dos dereitos humáns, un día do dereito dos nenos, por que non un día dos dereitos do medio ambiente?. Poderían ser estes os seus dereitos?

 

  1. O dereito á igualdade en todolos sentidos sen distinción de continente, clima, idioma, nacionalidade, opinión política ou outros rasgos.

 

  1. O dereito a ter unha protección especial para fomentar o seu desenrolo, mantemento e conservación.

 

  1. O dereito a dispor e disfrutar dun nome e dun status desde o seu nacemento.

 

  1. O dereito a un respecto e proteción contra o lixo, plásticos, residuos, contaminacións .. producidas polos humáns.

 

  1. O dereito a unha lexislación específica que o defenda de agresións coma incendios, contaminacións, desforestacións, etc.

 

  1. O dereito á comprensión e o amor da sociedade (e en especial dos usuari@s de vehículos e transportes por mar, aire e terra).

 

  1. O dereito a quedar no seu estado orixinal tras unha visita ou disfrute polos humáns (probas deportivas, excursións, etc)

 

8. O dereito a estar entre os primeIros en recibir axuda en calquiera circunstancia que poña en perigo a súa integridade.

 

 

  1. O dereito á proteción contra calquera forma de abandono, crueldade, explotación da que poidan ser vítimas.

 

  1. O dereito a crecer e vivir nun espíritu de comprensión, tolerancia e hermandade universal que perpetúe a a convivencia neste planeta e garantice a existencia futura dun espazo natural limpo e san.                                                                                                                              

                                                            E TI, QUÉ FAS POLA PAZ?

    “NA CONCIENCIA AMBIENTAL DUN NEN@ CRECE UNHA SEMENTE DE ESPERANZA PARA A HUMANIDADE”

NO INSTITUTO E NO FOGAR UN COLECTOR DE CADA COR DEBERÁS ELABORAR E USAR

Voltamos de novo e agora lanzamos o reto de Xaneiro. “No instituto e no fogar, un colector de cada cor deberás elaborar e usar”

Aproveitando a información recibida nas charlas impartidas polo persoal de SOGAMA (Sociedade Galega do Medio Ambiente) e concienciados todos e todas sobre a importancia de reciclar, invitámosvos a crear un colector de cada cor en cada aula, pedide axuda ós/ás vosos titores/ras.

E coma non, falade cos vosos pais e animádevos , se non os tedes xa, a crear os vosos colectores específicos e papel, plástico e vidro.

Nos corredores do noso centro xa temos colectores de pilas, papel, plástico, tóner e tamén outros solidarios de tapóns.

Lembrade que somos parte dunha cadea e para que funcione nós temos que colaborar.

Con pequenos xestos podemos conseguir grandes cousas, poñámonos en marcha!!

Aquí vai un enlace que vos leva ao programa de radio da pasada semana na que tamén se fala do programa Escola Verde. Entre o minuto 17 e o minuto 19 podedes escoitar a Ángel Lorenzo, educador de Sogama e unha cuña publicitaria do Proxecto Escola Verde.

Grazas Radio Xograr!

 

Coñeces unha forma mellor de conmemorar unha data sinalada?

 

XOGRARÍZATE – NATURÍZATE, CREA O TEU COLECTOR!

Para reciclar na clase terás que separar!

 

 

CAMBIEMOS NÓS E NON O CLIMA!

 

 

NO NADAL FESTEXA, AGASALLA E REUTILIZA A ESGALLA

“NO NADAL FESTEXA, AGASALLA E REUTILIZA A ESGALLA”.

Aproveitando estas datas tan sinaladas lanzamos o noso primeiro reto da Escola Verde.

O Nadal adoita ser unha época moi marcada polo consumo, agasallar e decorar é unha  parte esencial do encanto destas festas,  por iso cremos que é un momento ideal para sensibilizar á comunidade educativa no relativo á reutilización e á reciclaxe. Envolver os nosos agasallos co papel dos xornais vellos, darlles unha segunda vida ós tapóns de plástico ou cartóns para elaborar adornos navideños son algunhas das propostas que suxerimos para aportar o noso pequeno pero decisivo gran de area!

Por todo isto a última semana antes das vacacións proxectamos nas aulas de 1º da ESO un vídeo informativo que ten como obxectivo a toma de conciencia acerca das dramáticas consecuencias que ten no medio ambiente a sociedade de consumo. Pódeslle botar unha ollada ó video tanto no facebook coma no blog do instituto.

Anímate a participar decorando con materiais de refugallo, reciclando, etc.

Comparte algunha foto ou comenta a túa experiencia cos compañeiros e familiares.

Mira o video e comenta esta publicación no facebook cunha foto que amose o teu compromiso co medio ambiente. Cada xesto suma, únete a cadea do Xograr. Agardámoste!
https://youtu.be/ZdveW6irfpU

 

Ideas doutros anos…

Aqui publicamos algunhas das fotografías que aportaron varios membros da comunidade educativa á volta do Nadal. Grazas por colaborar no proxecto!

ENTREGADOS OS PREMIOS DAS “AULAS XEITOSAS”

Un ano máis continuamos co programa  “Coidemos o noso centro” e dentro del lanzamos o concurso Aulas Limpas para o alumnado da ESO.

Este concurso consiste no traballo conxunto do persoal de limpeza, profesorado e alumnado do instituto para manter as instalacións limpas e ordenadas. Así, día a día os/as limpadores/as avalían o estado de orde e limpeza de cada aula e ao remate do trimestre emiten o seu veredicto. Deste xeito as aulas premiadas en decembro do curso 2019-20 foron 3º de ESO B e 2º de ESO A.

O grupo clase recibiu un diploma para a clase e cada alumno/a máis o titor/a foron obsequiados con agasallos para reforzar e motivar a súa concienciación ambiental. Traballar nun ambiente agradable mellora o clima de clase, a convivencia e axuda a manter en boas condicións o espazo que compartimos. Grazas á colaboración inestimable de SOGAMA por axudarnos e apoiarnos en cada iniciativa que lanzamos.

Noraboa!!!

Diploma:    diploma aulas limpas