O RETO DE XANEIRO VAI POLO BO CAMIÑO!

No marco do Plan Proxecta Escola Verde, o IES Xograr Afonso Gómez propuxo como reto para o mes de xaneiro a elaboración de colectores de reciclaxe para as aulas. Deste xeito, preténdese contribuír á boa xestión dos residuos dende todos os recunchos do centro.

Aínda que o reto foi proposto á volta de vacacións, o alumnado de 1º ESO A púxose mans á obra e de contado creou os seus propios colectores. Agardando poder presentarvos todos os demais, aquí vos deixamos unha mostra do gran traballo que realizou este grupo.

 

No programa de radio desta semana publicítase o reto:

https://www.ivoox.com/radio-31-01-20-audios-mp3_rf_47282940…

podesdes escotalo no minuto 16:50 segundos.

30 DE XANEIRO DÍA DA PAZ E A NON VIOLENCIA

“Non hai camiño para a paz: a paz é o camiño”.

– Mahatma Ghandi –

 

 

O Día da Paz é una data conmemorativa sinalada nos centros educativos, desde o proxecto Escola Verde queremos reivindicar a importancia deste día facendo una reflexión sobre as numerosas agresións que sufre o noso planeta, sobre a importancia de preservar o medio ambiente e facernos todos e todas responsables do seu coidado.

Existe un Día dos dereitos humáns, un día do dereito dos nenos, por que non un día dos dereitos do medio ambiente?. Poderían ser estes os seus dereitos?

 

  1. O dereito á igualdade en todolos sentidos sen distinción de continente, clima, idioma, nacionalidade, opinión política ou outros rasgos.

 

  1. O dereito a ter unha protección especial para fomentar o seu desenrolo, mantemento e conservación.

 

  1. O dereito a dispor e disfrutar dun nome e dun status desde o seu nacemento.

 

  1. O dereito a un respecto e proteción contra o lixo, plásticos, residuos, contaminacións .. producidas polos humáns.

 

  1. O dereito a unha lexislación específica que o defenda de agresións coma incendios, contaminacións, desforestacións, etc.

 

  1. O dereito á comprensión e o amor da sociedade (e en especial dos usuari@s de vehículos e transportes por mar, aire e terra).

 

  1. O dereito a quedar no seu estado orixinal tras unha visita ou disfrute polos humáns (probas deportivas, excursións, etc)

 

8. O dereito a estar entre os primeIros en recibir axuda en calquiera circunstancia que poña en perigo a súa integridade.

 

 

  1. O dereito á proteción contra calquera forma de abandono, crueldade, explotación da que poidan ser vítimas.

 

  1. O dereito a crecer e vivir nun espíritu de comprensión, tolerancia e hermandade universal que perpetúe a a convivencia neste planeta e garantice a existencia futura dun espazo natural limpo e san.                                                                                                                              

                                                            E TI, QUÉ FAS POLA PAZ?

    “NA CONCIENCIA AMBIENTAL DUN NEN@ CRECE UNHA SEMENTE DE ESPERANZA PARA A HUMANIDADE”

NO INSTITUTO E NO FOGAR UN COLECTOR DE CADA COR DEBERÁS ELABORAR E USAR

Voltamos de novo e agora lanzamos o reto de Xaneiro. “No instituto e no fogar, un colector de cada cor deberás elaborar e usar”

Aproveitando a información recibida nas charlas impartidas polo persoal de SOGAMA (Sociedade Galega do Medio Ambiente) e concienciados todos e todas sobre a importancia de reciclar, invitámosvos a crear un colector de cada cor en cada aula, pedide axuda ós/ás vosos titores/ras.

E coma non, falade cos vosos pais e animádevos , se non os tedes xa, a crear os vosos colectores específicos e papel, plástico e vidro.

Nos corredores do noso centro xa temos colectores de pilas, papel, plástico, tóner e tamén outros solidarios de tapóns.

Lembrade que somos parte dunha cadea e para que funcione nós temos que colaborar.

Con pequenos xestos podemos conseguir grandes cousas, poñámonos en marcha!!

Aquí vai un enlace que vos leva ao programa de radio da pasada semana na que tamén se fala do programa Escola Verde. Entre o minuto 17 e o minuto 19 podedes escoitar a Ángel Lorenzo, educador de Sogama e unha cuña publicitaria do Proxecto Escola Verde.

Grazas Radio Xograr!

 

Coñeces unha forma mellor de conmemorar unha data sinalada?

 

XOGRARÍZATE – NATURÍZATE, CREA O TEU COLECTOR!

Para reciclar na clase terás que separar!

 

 

CAMBIEMOS NÓS E NON O CLIMA!

 

 

XORNADAS DE FORMACIÓN AMBIENTAL IMPARTIDAS POR SOGAMA

Estreamos o 2020 cunha actividade formativa que consideramos fundamental para os/as rapaces/zas da nosa comunidade educativa: coñecer o sistema de reciclaxe en Galicia.
Á volta das vacacións do Nadal tivemos a sorte de poder contar coa presencia de Ángel, educador ambiental de Sogama que veu ó instituto o pasado mércores 15 de xaneiro a impartir unhas charlas sobre o sistema de recollida selectiva e tratamento de residuos na planta de Sogama. Coñecer os distintos contenedores que temos a nosa disposición nas cidades e vilas e saber exactamente como empregalos é esencial para lograr un bo funcionamento a nivel global do sistema. Invertiuse moito tempo en aclarar as dúbidas acerca da separación dos residuos: por que moitos materiais plásticos non deben botarse ó contenedor amarelo, que se considera exactamente un “envase”ou  por que os cristais non deberían introducirse non contenedores de recipientes de vidro.
Por outra banda, pareceunos moi interesante descubrir cal é a segunda vida deses materiais que se conseguen reciclar: dende prendas de vestir ata tuberías!.
Comprendimos a urxente necesidade da nosa implicación individual, é un feito indiscutible que cada un de nós xera unha grande cantidade de residuos e que polo tanto debemos responsabilizarnos deles: en primeiro lugar reducíndoos, e en segundo lugar asegurándonos de que o seu destino é o máis axeitado, temos que tomar conciencia de que a reciclaxe e o tratamento de residuos carecen de sentido sen unha correcta separación previa… e que isto depende enteramente de nós!

 

NO NADAL FESTEXA, AGASALLA E REUTILIZA A ESGALLA

“NO NADAL FESTEXA, AGASALLA E REUTILIZA A ESGALLA”.

Aproveitando estas datas tan sinaladas lanzamos o noso primeiro reto da Escola Verde.

O Nadal adoita ser unha época moi marcada polo consumo, agasallar e decorar é unha  parte esencial do encanto destas festas,  por iso cremos que é un momento ideal para sensibilizar á comunidade educativa no relativo á reutilización e á reciclaxe. Envolver os nosos agasallos co papel dos xornais vellos, darlles unha segunda vida ós tapóns de plástico ou cartóns para elaborar adornos navideños son algunhas das propostas que suxerimos para aportar o noso pequeno pero decisivo gran de area!

Por todo isto a última semana antes das vacacións proxectamos nas aulas de 1º da ESO un vídeo informativo que ten como obxectivo a toma de conciencia acerca das dramáticas consecuencias que ten no medio ambiente a sociedade de consumo. Pódeslle botar unha ollada ó video tanto no facebook coma no blog do instituto.

Anímate a participar decorando con materiais de refugallo, reciclando, etc.

Comparte algunha foto ou comenta a túa experiencia cos compañeiros e familiares.

Mira o video e comenta esta publicación no facebook cunha foto que amose o teu compromiso co medio ambiente. Cada xesto suma, únete a cadea do Xograr. Agardámoste!
https://youtu.be/ZdveW6irfpU

 

Ideas doutros anos…

Aqui publicamos algunhas das fotografías que aportaron varios membros da comunidade educativa á volta do Nadal. Grazas por colaborar no proxecto!

ENTREGADOS OS PREMIOS DAS “AULAS XEITOSAS”

Un ano máis continuamos co programa  “Coidemos o noso centro” e dentro del lanzamos o concurso Aulas Limpas para o alumnado da ESO.

Este concurso consiste no traballo conxunto do persoal de limpeza, profesorado e alumnado do instituto para manter as instalacións limpas e ordenadas. Así, día a día os/as limpadores/as avalían o estado de orde e limpeza de cada aula e ao remate do trimestre emiten o seu veredicto. Deste xeito as aulas premiadas en decembro do curso 2019-20 foron 3º de ESO B e 2º de ESO A.

O grupo clase recibiu un diploma para a clase e cada alumno/a máis o titor/a foron obsequiados con agasallos para reforzar e motivar a súa concienciación ambiental. Traballar nun ambiente agradable mellora o clima de clase, a convivencia e axuda a manter en boas condicións o espazo que compartimos. Grazas á colaboración inestimable de SOGAMA por axudarnos e apoiarnos en cada iniciativa que lanzamos.

Noraboa!!!

Diploma:    diploma aulas limpas

XOGRARÍZATE, PENSA EN VERDE

Dende o Ies Xograr Afonso Gómez queremos dar un paso máis no noso compromiso co coidado do medio ambiente e este curso iniciamos o Plan Proxecta Escola Verde.
Nos últimos anos puxemos en marcha pequenos proxectos que tiveron coma finalidade conquerir una concienzación da comunidade educativa tentando ser un grupo responsable e unido cara ao coidado dos nosos espazos e instalacións. Este traballo constante permitiulle ao IES Xograr Afonso Gómez conseguir o Premio Ecovaledor concedido pola entidade SOGAMA en xuño do 2019:
http://www.sogama.gal/es/noticia/el-presidente-de-sogama-entrega-al-ies-xograr-afonso-g%C3%B3mez-de-sarria-el-premio-ecovaledor
Durante o curso actual manteranse vivos algúns de ditos proxectos e levaranse a cabo outras propostas novas. Así, tentarase traspasar os muros do centro a través do coidado e mantemento dos espazos verdes lindeiros e da promoción de hábitos e actitudes compatibles coa protección do medio ambiente dende os fogares. O protagonismo recaerá sobre o alumnado, actuando o equipo docente como facilitador e guiador das distintas actividades.
Consideramos que un incremento da conciencia ambiental colectiva redundará moi positivamente nas relacións persoais e no fomento da empatía entre os membros da comunidade educativa. A través deste proxecto tamén se pretende que as aprendizaxes adquiridas relacionadas coa mellora da orde e limpeza das instalacións do centro sexan transferidas á vida familiar e social.
En resumo, a finalidade deste proxecto é a creación dunha cadea solidaria co medio ambiente que una á counidade educativa do Ies Xograr Afonso Gómez e chegue máis aló.
Bríndasenos unha gran oportunidade, xa que somos un dos dez centros seleccionados en toda Galicia para desenvolver o Plan Proxecta Escola Verde. Non hai tempo que perder,….. en breve teredes información importante!!

 

Para comezar o xurado do concurso de Beléns valorará a utilización de productos de refugallo e a reciclaxe nos traballos presentados.

cartel Beléns

 

 

 

Quérote + curso 2018-2019

“Quérote+: Afectividade, sexualidade e convivencia na adolescencia”. Un ano máis o IES Xograr participa no programa Quérote+ do Plan Proxecta debido á necesidade de implementar contidos relacionados coa afectividade, sexualidade e convivencia entre os sexos entre o noso alumnado adolescente. O programa implementouse en 3º ESO A e en 3º PMAR e nel traballáronse os seguintes contidos:

  • Presentación do recurso Quérote+, usos e funcionalidades e aprendizaxe práctica no uso do seu servizo de consultoría anónima e confidencial.
  • A Educación Sexual: Que entendemos por Educación Sexual? Que inclúe a Educación Sexual? Que dúbidas ten o alumnado sobre a sexualidade? Nesta actividade o alumnado reflectiu anonimamente as súas dúbidas relacionadas coas sexualidade e incidiuse no uso do recurso web Quérote+ para solventar certas dúbidas.

ficha 2

  • A orientación do desexo e a identidade sexual. O coñecemento das diferentes sexualidades e identidades sexuais é un aspecto fundamental para o respeto e a convivencia.
  • O modelo de amor romántico: tópicos e mitos que provocan unha idealización do amor que pode conducir á relacións tóxicas. Cualidades top-ten nunha parella?
  • A relación dos sexos a través da tecnoloxía. Relacionámonos igual no mundo físico e no mundo virtual? Que normas debemos seguir nas nosas relacións a través de medios tecnolóxicos?
  • Cultivando habilidades. Cómo facer fronte á presión do grupo?

ficha 6 1

  • Aconcepción e concepción. Que prácticas sexuais teñen risco de embarazo e cales non? Que son as enfermidades de transmisión sexual e como previlas?

ficha 7 1

A educación afectivo-sexual é unha parte fundamental no desenvolvemento integral do noso alumnado e as actividades desenvoltas mediante o programa Quérote+ contribúen excepcionalmente a garantir dito desenvolvemento integral das mozas e mozos do noso IES.

Quérote+ no Xograr

“Quérote+: Afectividade, sexualidade e convivencia na adolescencia” xurde de experiencias previas de carácter positivo no IES Xograr Afonso Gómez de Sarria participando no programa Quérote+ en cursos anteriores así como da necesidade de implementar contidos relacionados coa afectividade, sexualidade e convivencia entre sexos na etapa da pubertade. O ámbito da acción titorial preséntase como o  máis práctico para implementar estes contidos e  así no curso 2017-18 implementouse dito programa para todo o alumnado de 3º ESO do noso IES no horario de titoría lectiva.

Os contidos desenvoltos en dito programa foron os seguintes:

  • Presentación do recurso web Quérote+ e aprendizaxe práctica no uso do seu servizo de consultoría.
  • Educación sexual. Que é a educación sexual? Que abarca a educación sexual?
  • Orientación do desexo e identidade sexual.

    Algúns dos traballos elaborados polo alumnado foron os seguintes:

  • O modelo do amor romántico.IMG_20180612_131215 amor romántico
  • A relación dos sexos a través da tecnoloxía.
  • Cultivando habilidades. Prácticas de role playing entrenando habilidades asertivas.
  • Aconcepción e concepción. Actividade sobre prácticas sexuais conceptivas e aconceptivas e información sobre infeccións de transmisión sexual (ITS).

Sen dúbida unha experiencia moi gratificante e na que compre profundizar nos vindeiros cursos.